నా మీద కోపం నేతన్నలపై వద్దు: కేటీఆర్

సీఎం రేవంత్ రెడ్డిపై బీఆర్ఎస్ వర్కింగ్ ప్రెసిడెంట్ కేటీఆర్ తీవ్ర విమర్శలు చేశారు. సిరిసిల్ల నేతన్నల బతుకమ్మ చీరల ఆర్డర్లను రద్దు చేయడం సరికాదని, తనపై ఉన్న కోపాన్ని వారిపై చూపవద్దని ఆయన హితవు పలికారు. కాంగ్రెస్ ప్రభుత్వం హామీలను విస్మరించిందని, గన్నీ సంచుల కొరతతో రైతులు ఇబ్బంది పడుతున్నారని కేటీఆర్ ఆరోపించారు. కేసీఆర్ మళ్లీ ముఖ్యమంత్రి కావాల్సిన అవసరం ఉందని, వచ్చే ఎన్నికల్లో బీఆర్ఎస్ గెలుపు కోసం కార్యకర్తలు కృషి చేయాలని ఆయన పిలుపునిచ్చారు.