చింతకాని పీహెచ్‌సీని సందర్శించిన డీఎంహెచ్ఓ

ఖమ్మం జిల్లా లోని చింతకాని ప్రాథమిక ఆరోగ్య కేంద్రాన్ని జిల్లా వైద్య, ఆరోగ్య శాఖ అధికారి (DMHO) డాక్టర్ డి.రామారావు గురువారం ఆకస్మికంగా సందర్శించారు. ఈ సందర్భంగా ఆశా కార్యకర్తలతో సమావేశమై, ప్రభుత్వం అందిస్తున్న వైద్య సదుపాయాలు మరియు వ్యాధుల నియంత్రణపై దిశానిర్దేశం చేశారు. ఆసుపత్రిలో అందుతున్న సేవల తీరుపై సమీక్ష నిర్వహించిన ఆయన, రికార్డులను పరిశీలించి ప్రజలకు మరింత నాణ్యమైన వైద్య సేవలను అందించాలని సిబ్బందిని ఆదేశించారు. ఈ కార్యక్రమంలో మండల వైద్యాధికారి డాక్టర్ అల్తాఫ్ మరియు వైద్య సిబ్బంది పాల్గొన్నారు.