డెంగీ కలకలం.. రెండు నెలల్లో ఆరు కేసులు నమోదు

జిల్లాలో రెండు నెలల వ్యవధిలో ఆరు డెంగీ కేసులు నమోదవడంతో వైద్య, స్థానిక సంస్థల అధికారులు అప్రమత్తమయ్యారు. వర్షాలతో దోమల వ్యాప్తి పెరుగుతున్న నేపథ్యంలో నివారణ చర్యలపై దృష్టి సారిస్తున్నారు. డెంగీ ప్రభావిత ప్రాంతాల్లో ఇంటింటి సర్వేలు నిర్వహిస్తున్నట్లు అధికారులు తెలిపారు. పరిసరాల్లో నిల్వ నీరు లేకుండా చూసుకోవాలని, దోమల నివారణకు జాగ్రత్తలు పాటించాలని ప్రజలకు సూచించారు.