బివై నగర్‌ పట్టాలకు రిజిస్ట్రేషన్‌ హక్కులు కోరుతూ నిరసన

సిరిసిల్ల బివై నగర్ కార్మిక క్షేత్రంలో ప్రభుత్వం ఇచ్చిన పట్టాలకు రిజిస్ట్రేషన్ హక్కులు కల్పించాలని వామపక్ష నాయకులు డిమాండ్ చేశారు. మంగళవారం జండా చౌరస్తాలో ప్లకార్డులు ప్రదర్శించి నిరసన తెలిపారు. 1979 నుంచి ఈ ప్రాంతంలో నివసిస్తున్నామని పేర్కొంటూ, భూములపై హక్కులు కల్పించేందుకు సీఎం రేవంత్‌రెడ్డి చొరవ చూపాలని కోరారు. కార్యక్రమంలో సీపీఐ, సీపీఎం, సీఐటీయూ నాయకులు పాల్గొన్నారు.