45 మంది ఉపాధ్యాయులకు పోస్టింగ్‌ల ఆలస్యం

రాజన్న సిరిసిల్ల జిల్లాలో పదోన్నతి పొందిన 45 మంది ఎస్‌జీటీ ఉపాధ్యాయులకు ఏడాది గడిచినా కొత్త పోస్టింగ్‌లు ఇవ్వలేదు. తాత్కాలిక సర్దుబాటుతో పాత పాఠశాలల్లోనే విధులు కొనసాగిస్తుండటంపై విమర్శలు వెల్లువెత్తుతున్నాయి. జిల్లాలో 237 ఎస్‌జీటీ పోస్టులు ఖాళీగా ఉన్నప్పటికీ నియామక ప్రక్రియ ఆలస్యమవుతోందని ఉపాధ్యాయ సంఘాలు ఆరోపిస్తున్నాయి. వెంటనే పోస్టింగ్‌లు ఇచ్చి ఖాళీలను భర్తీ చేయాలని కోరుతున్నారు.