డిసెంబర్ 15 నుంచి ఆశా వర్కర్ల నిరవధిక సమ్మె

ఫిక్స్‌డ్ వేతనం రూ.18 వేలు, ఈఎస్‌ఐ, పీఎఫ్ సదుపాయాలు కల్పించడం, పని భారం తగ్గించడం తదితర డిమాండ్లతో డిసెంబర్ 15 నుంచి రాష్ట్రవ్యాప్తంగా నిరవధిక సమ్మె చేపట్టనున్నట్లు సీఐటీయూ జిల్లా కార్యదర్శి రమేశ్ తెలిపారు. ఈ మేరకు హనుమకొండ డీఎంహెచ్‌వో కార్యాలయంతో పాటు కలెక్టరేట్‌లో డీఆర్వో రాజేశ్ కుమార్‌కు సమ్మె నోటీసులు అందజేశారు. నవంబర్ 16న కలెక్టరేట్ ముట్టడిని విజయవంతం చేయాలని పిలుపునిచ్చారు.