డబ్బుల కోసం అమ్మమ్మ హత్య.. మనవడు అరెస్ట్

యాదాద్రి భువనగిరి జిల్లా చౌటుప్పల్‌ మండలం తూప్రాన్‌పేట్‌లో డబ్బుల కోసం మంటిపల్లి యాదమ్మ (70)ను హత్య చేసి నగలతో పరారైనట్లు పోలీసులు తెలిపారు. ఈ నెల 27న ఆమె ఇంట్లో అనుమానాస్పద స్థితిలో మృతి చెందారు. మృతురాలి బంధువు మంటిపల్లి రాజు (31)పై అనుమానంతో పోలీసులు అదుపులోకి తీసుకుని విచారించారు. డబ్బు కోసమే హత్య చేసినట్లు విచారణలో వెల్లడైనట్లు పోలీసులు తెలిపారు.