తండ్రి జీవిత ఖైదును సమర్థించిన కోర్టు

కూతురిపై అత్యాచారానికి ఒడిగట్టిన తండ్రికి కింది కోర్టు విధించిన జీవిత ఖైదు శిక్షను హైకోర్టు సమర్థించింది. తండ్రే మృగంగా మారడం అత్యంత నీచమైన నేరమని న్యాయస్థానం ఈ సందర్భంగా తీవ్రంగా వ్యాఖ్యానించింది. సమాజంలో నమ్మకానికి ప్రతీకగా నిలిచే తండ్రి స్థానంలో ఉండి ఇలాంటి ఘాతుకానికి పాల్పడటం క్షమించరానిదని కోర్టు పేర్కొంది. నిందితుడి అప్పీల్‌ను కొట్టివేస్తూ ధర్మాసనం ఈ తీర్పునిచ్చింది.