తగ్గనున్న వంటనూనెల ధరలు

అంతర్జాతీయ మార్కెట్లో ముడి పామాయిల్ మరియు సోయాబీన్ నూనెల ధరలు గణనీయంగా తగ్గుముఖం పట్టాయి. ఈ పరిణామంతో దేశీయ మార్కెట్లలో కూడా వంటనూనెల ధరలు త్వరలోనే తగ్గే అవకాశం ఉందని నిపుణులు అంచనా వేస్తున్నారు. సన్‌ఫ్లవర్, సోయాబీన్, పామాయిల్‌ రకాలపై ప్రాథమిక కస్టమ్స్‌ సుంకాన్ని కేంద్ర ప్రభుత్వం బుధవారం తగ్గించింది. ఈ కొత్త కోతలు సెప్టెంబరు 24 నుంచే అమల్లోకి వస్తాయని ఆర్థిక శాఖ నోటిఫికేషన్‌లో పేర్కొంది.