కొట్టుకుపోయిన గొల్లపల్లి వంతెన

తుఫాను ప్రభావంతో కురుస్తున్న భారీ వర్షాలకు అల్లూరి జిల్లా జీకే వీధి మండలంలో గొల్లపల్లి-చామగెడ్డ మధ్య వంతెన గురువారం ఉదయం కొట్టుకుపోయింది. కాలువలు పొంగి ప్రవహిస్తుండటంతో వరద ఉద్ధృతికి ఈ ఘటన చోటుచేసుకుంది. దీంతో వంచుల, అమ్మవారి దారకొండ పంచాయతీల పరిధిలోని సుమారు 15 గ్రామాలకు రాకపోకలు నిలిచిపోయాయి. ఆయా గ్రామాలకు బాహ్య ప్రపంచంతో సంబంధాలు తెగిపోయాయి.