నీట్ పేపర్ లీక్‌ను బయటపెట్టిన కెమిస్ట్రీ టీచర్

నీట్ పేపర్ లీక్ గుట్టును రాజస్థాన్‌కు చెందిన ఓ కెమిస్ట్రీ టీచర్ రట్టు చేశారు. వాట్సాప్‌లో వచ్చిన గెస్ పేపర్‌ను అసలు ప్రశ్నపత్రంతో పోల్చి చూసి, అందులోని 600 మార్కుల ప్రశ్నలు సరిపోలడాన్ని గుర్తించారు. వెంటనే అప్రమత్తమై పోలీసులకు సమాచారం అందించారు. ఈ లీక్ వ్యవహారంపై ఆధారాలతో సహా ఎన్టీఏ (NTA), కేంద్ర హోం శాఖకు ఆయన ఈమెయిల్ చేశారు. దీంతో దేశవ్యాప్తంగా సంచలనం సృష్టించిన ఈ కుంభకోణం వెలుగులోకి వచ్చింది.