మహారాష్ట్ర భివండిలో భవనం కూలి తొమ్మిది మంది మృతి

మహారాష్ట్రలోని భివండిలో గురువారం రాత్రి జరిగిన ఘోర ప్రమాదంలో నాలుగు అంతస్తుల భవనం కుప్పకూలి తొమ్మిది మంది మృతి చెందారు. నివాసయోగ్యం కానిదిగా అధికారులు ప్రకటించినప్పటికీ, యజమాని హెచ్చరికలను బేఖాతరు చేసి మరమ్మతులు చేపట్టడంతో ఈ ప్రమాదం సంభవించింది. రాత్రి 11:30 గంటల సమయంలో భవనం ఒక్కసారిగా కూలడంతో శిథిలాల కింద చిక్కుకున్న వారిని ఎన్డీఆర్ఎఫ్, అగ్నిమాపక సిబ్బంది రక్షిస్తున్నారు.