బస్ డిపోలో భారీ మంటలు.. 10 బస్సులు దగ్ధం

ముంబై సెంట్రల్‌లోని అనిక్ బస్ డిపో యార్డులో సోమవారం సాయంత్రం భారీ అగ్నిప్రమాదం జరిగింది. మంటల్లో దాగా గ్రూప్ నుంచి వెట్-లీజ్‌పై తీసుకున్న 10 సీఎన్‌జీ ఏసీ మిడీ బస్సులు పూర్తిగా దగ్ధమయ్యాయి. నాలుగు ఫైర్ ఇంజిన్లు, ఐదు వాటర్ ట్యాంకర్లతో గంటకుపైగా శ్రమించి మంటలను అదుపులోకి తెచ్చారు. ఈ ఘటనలో ఎలాంటి ప్రాణనష్టం, గాయాలు సంభవించలేదు. ప్రమాదంపై అధికారులు దర్యాప్తు చేపట్టారు.