తెలంగాణలో నేటి నుంచి బోనాలు ప్రారంభం

తెలంగాణలో ఆషాఢ మాసం బోనాల జాతర జులై 16వ తేదీ నుంచి వైభవంగా ప్రారంభం కానుంది. గోల్కొండ కోట జగదాంబిక ఎల్లమ్మ ఆలయంలో జరిగే తొలిపూజతో ఈ ఉత్సవాలు రాష్ట్రవ్యాప్తంగా మొదలవుతాయి. మంత్రులు పొన్నం ప్రభాకర్‌, కొండా సురేఖ లంగర్‌హౌస్‌లో ఈ వేడుకలను ప్రారంభిస్తారు. అనంతరం పోతురాజుల విన్యాసాలు, డప్పు చప్పుళ్లతో తొట్టెలను గోల్కొండ అమ్మవారికి సమర్పిస్తారు.