బన్నీ ఉత్సవంలో ఒకరు మృతి.. పలువురికి గాయాలు

కర్నూలు జిల్లా దేవరగట్టులో మాలమల్లేశ్వరస్వామి ఉత్సవ ఊరేగింపులో ఉద్రిక్తత నెలకొంది. బన్నీ జైత్రయాత్రలో భక్తులు రింగులు తొడిగిన కర్రలతో పరస్పరం దాడులు చేసుకున్నారు. ఈ ఘటనలో ఆలూరుకు చెందిన పోతురాజు (28) మృతి చెందారు. కర్రల సమరంలో వంద మందికి పైగా తీవ్రంగా గాయపడ్డారు. గాయపడిన వారిలో ఎనిమిది మంది పరిస్థితి విషమంగా ఉన్నట్లు సమాచారం. అల్లరి మూకలు గాల్లోకి కాగడాలు విసిరినట్లు తెలుస్తోంది.