బంగారం గని కూలి 67 మంది మృతి

సూడాన్‌లోని పశ్చిమ కొర్దోపాన్‌ ప్రావిన్సులో బంగారు గని కుప్పకూలి 67 మంది మృతిచెందారు. నుహుద్‌ పట్టణంలోని అల్‌-జారా గనిలో మంగళవారం రాత్రి ఈ ప్రమాదం జరిగింది. పలువురి ఆచూకీ ఇంకా లభించలేదు. శిథిలాల కింద మరికొందరు చిక్కుకుని ఉండొచ్చని అధికారులు భావిస్తున్నారు. స్థానికులు సాధారణ పారలు, గునపాలతో శిథిలాలను తొలగిస్తూ సహాయక చర్యలు చేపడుతున్నారు. మృతుల సంఖ్య మరింత పెరిగే అవకాశం ఉంది.