బీజేపీ కిసాన్ మోర్చా కోశాధికారిగా కేతిరెడ్డి రవీందర్ రెడ్డి

బుగ్గారం మండలం సిరికొండ గ్రామానికి చెందిన కేతిరెడ్డి రవీందర్ రెడ్డిని బీజేపీ జగిత్యాల జిల్లా కిసాన్ మోర్చా కోశాధికారిగా నియమించారు. పార్టీపై నిబద్ధత, రైతుల సమస్యలపై అవగాహన, పార్టీ కార్యక్రమాల్లో చురుకైన భాగస్వామ్యాన్ని గుర్తించి ఈ బాధ్యత అప్పగించినట్లు జిల్లా నాయకత్వం తెలిపింది. రైతుల సమస్యలను పార్టీ దృష్టికి తీసుకెళ్లి కిసాన్ మోర్చా బలోపేతానికి కృషి చేస్తానని రవీందర్ రెడ్డి తెలిపారు.