భారతీయ శిల్పకళకు ఉండవల్లి గుహలు

విజయవాడ సమీపంలోని ఉండవల్లి గుహలు 4-5వ శతాబ్దాల భారతీయ శిల్పకళకు అద్భుత నిదర్శనంగా నిలుస్తున్నాయి. ఒకే రాతికొండను కింది నుంచి పైకి తొలిచి మూడు అంతస్తుల్లో నిర్మించిన ఈ గుహలు ప్రత్యేక ఆకర్షణగా నిలిచాయి. రెండో అంతస్తులో సుమారు 5 మీటర్ల పొడవైన అనంతశయన విష్ణుమూర్తి విగ్రహం విశేషంగా ఆకట్టుకుంటుంది. ఇక్కడ గుప్త, బౌద్ధ, హిందూ శిల్పకళా శైలుల సమ్మేళనం కనిపిస్తుంది.