బెల్లంకొండ మండలంలో జోరందుకున్న మిరప నాట్లు

బెల్లంకొండ మండలంలో గత రెండు రోజులుగా కురుస్తున్న చిరుజల్లులతో మిరప నాట్ల ప్రక్రియ వేగవంతమైంది. వర్షాలు ఆలస్యం కావడంతో ఇన్నాళ్లూ నర్సరీలకే పరిమితమై పెరిగిన నారును, ఇప్పుడు వర్షాలు పడటంతో రైతులు పొలాలకు తరలించి నాటుతున్నారు. ఈ చినుకులతో నేలలో తేమ శాతం పెరిగి నాట్లకు వాతావరణం అనుకూలించడంతో కర్షకులు హర్షం వ్యక్తం చేస్తున్నారు. మండలంలోని పలు గ్రామాల్లో ప్రస్తుతం ఈ పనులు చురుగ్గా సాగుతున్నాయి.