బటాలా గ్రెనేడ్ దాడి కేసులో మరో అరెస్ట్

బటాలా గ్రెనేడ్ దాడి కేసులో మూడో నిందితుడు కరణ్‌జీత్ సింగ్ అలియాస్ బచ్చాను పంజాబ్ పోలీసులు అరెస్టు చేశారు. సీఐ జలంధర్, బటాలా పోలీసులు సంయుక్తంగా చేపట్టిన ఆపరేషన్‌లో అతడిని అదుపులోకి తీసుకున్నారు. కరణ్‌జీత్‌ ఐఎస్‌ఐ మద్దతున్న ఉగ్ర మాడ్యూల్‌తో సంబంధాలున్నట్లు ప్రాథమిక దర్యాప్తులో తేలిందని డీజీపీ గౌరవ్ యాదవ్ తెలిపారు. విదేశీ హ్యాండ్లర్లు, స్థానిక నెట్‌వర్క్‌పై దర్యాప్తు కొనసాగుతోందన్నారు.