అమెరికాలో 30 మంది భారతీయుల అరెస్టు

అమెరికాలోని ఆరిజోనాలో జరిగిన 'ఆపరేషన్ చెక్‌మేట్'లో భాగంగా అక్రమంగా నివసిస్తున్న 30 మంది భారతీయులను అధికారులు అరెస్టు చేశారు. మే 11 నుండి 15 మధ్య జరిగిన ఈ తనిఖీల్లో మొత్తం 52 మందిని అదుపులోకి తీసుకోగా, వారిలో 36 మంది కమర్షియల్ ట్రక్ డ్రైవర్లుగా పనిచేస్తున్నట్లు గుర్తించారు. అరెస్టు అయిన వారిలో భారతీయులతో పాటు మెక్సికో, రష్యా, ఎల్ సాల్వడార్ దేశాలకు చెందిన వ్యక్తులు కూడా ఉన్నారు. చట్టవిరుద్ధంగా నివసిస్తున్న వీరందరినీ త్వరలోనే వారి స్వదేశాలకు తరలించేందుకు అధికారులు ఏర్పాట్లు చేస్తున్నారు.