యాపిల్ రహస్యాలు లీక్.. కేంద్రం సంచలన నిర్ణయం

టాటా ఎలక్ట్రానిక్స్ నుండి యాపిల్ ఐఫోన్ 18 ప్రో రహస్య పత్రాలు లీక్ కావడంపై కేంద్ర ఐటీ శాఖ గురువారం అధికారికంగా దర్యాప్తు ప్రారంభించింది. ఈ సున్నితమైన డేటా చోరీపై కంప్యూటర్ ఎమర్జెన్సీ రెస్పాన్స్ టీమ్ (CERT-In) రంగంలోకి దిగింది. సెప్టెంబర్‌లో రానున్న ఐఫోన్ 18 సప్లయర్స్ వివరాలతో పాటు టెస్లా, క్వాల్‌కామ్ పత్రాలు కూడా డార్క్ వెబ్‌లో ప్రత్యక్షమయ్యాయి. ఈ అంతర్జాతీయ భద్రతా వైఫల్యంపై విచారణకు టాటా సంస్థ ప్రత్యేక ఫోరెన్సిక్ ఆడిట్‌ను సైతం నియమించింది.