​ఏపీ విద్యాశాఖ అకడమిక్ క్యాలెండర్ విడుదల: దసరా, సంక్రాంతి సెలవుల వివరాలు ఇవే!

​ఆంధ్రప్రదేశ్ రాష్ట్రంలో రేపటి నుండి పాఠశాలలు ప్రారంభం కానున్నాయి. ఈ నేపథ్యంలో విద్యాశాఖ నూతన అకడమిక్ క్యాలెండర్‌ను అధికారికంగా విడుదల చేసింది. మొత్తం 229 పనిదినాలు ఉండగా, ఆదివారాలతో కలిపి 87 రోజులు సెలవులు ఉంటాయని పేర్కొంది. ప్రతి శనివారం ‘నో బ్యాగ్ డే’గా ఉంటుంది. ​ముఖ్యమైన పండుగ సెలవుల్లో దసరాకు అక్టోబర్ 12–21, సంక్రాంతికి జనవరి 11–17 వరకు హాలిడేస్ ప్రకటించారు. అలాగే టెన్త్ క్లాస్ పబ్లిక్ పరీక్షలు మార్చి 15 నుండి 31 వరకు జరగనున్నాయి.