అన్నపూర్ణ జలాశయంలో 1.47 టీఎంసీల నీటి నిల్వ

ఇల్లంతకుంట మండలం అనంతగిరి అన్నపూర్ణ జలాశయంలో శుక్రవారం ఉదయం 6 గంటలకు 1.47 టీఎంసీల నీరు నిల్వ ఉన్నట్లు అధికారులు తెలిపారు. జలాశయం పూర్తి సామర్థ్యం 3.50 టీఎంసీలు కాగా, నీటిమట్టం 388.71 మీటర్లుగా నమోదైంది. ప్రస్తుతం 125 క్యూసెక్కుల ఇన్‌ఫ్లో వస్తుండగా, అవుట్‌ఫ్లో లేదని అధికారులు వెల్లడించారు. పంప్‌హౌస్‌లో ఎలాంటి పంపులు నడపడం లేదని, జలాశయ పరిస్థితిని పర్యవేక్షిస్తున్నట్లు తెలిపారు.