అంబర్‌పేట కాంగ్రెస్‌ కమిటీల నియామకంలో జాప్యం

అంబర్‌పేట నియోజకవర్గంలో డివిజన్‌ కమిటీల నియామకంపై నాయకత్వం నిర్లక్ష్యం వహిస్తోందనే విమర్శలు వ్యక్తమవుతున్నాయి. నగరంలోని ఇతర నియోజకవర్గాల్లో ప్రక్రియ పూర్తయినా, ఇక్కడ మాత్రం అధ్యక్షుల ఎంపిక జరగకపోవడంతో కార్యకర్తలు నిరాశలో ఉన్నారు. కొత్తగా ఏర్పడిన మూడు డివిజన్లతో కలిపి మొత్తం ఎనిమిది స్థానాలకు తక్షణమే అధ్యక్షులను నియమించాలి. రాబోయే జీహెచ్‌ఎంసీ ఎన్నికలను దృష్టిలో ఉంచుకుని, అన్ని వర్గాలకు ప్రాతినిధ్యం కల్పించేలా ఇన్‌చార్జి రోహిణ్‌రెడ్డి, జిల్లా అధ్యక్షుడు రోహిత్‌లు చర్యలు చేపట్టాలని పార్టీ శ్రేణులు కోరుతున్నాయి.