అమరావతి దారిలో గుంతల రోడ్డు

గుంటూరు నుంచి అమరావతి హైకోర్టు, సచివాలయానికి వెళ్లే ముఖ్యమైన రహదారి పూర్తిగా దెబ్బతిని గజానికో గొయ్యి అన్నట్లు తయారైంది. తాడికొండ అడ్డరోడ్డు నుంచి పెదపరిమి వరకు ప్రయాణించడానికి గంట సమయం పడుతోందని ప్రయాణికులు ఆవేదన వ్యక్తం చేస్తున్నారు. ఈ మార్గంలో ఇబ్బందులు తొలగించేందుకు గుత్తేదారుతో ఒప్పందం కుదిరిందని, త్వరలోనే ఆధునిక సాంకేతికతతో రోడ్డు నిర్మాణం ప్రారంభిస్తామని అధికారులు వెల్లడించారు.