గ్రామాల్లో ఇసుక అక్రమ రవాణాపై ఆరోపణలు

నారాయణపేట జిల్లాలోని పలు గ్రామాల్లో ఇసుక, మట్టి తరలింపులో అక్రమాలు జరుగుతున్నాయనే ఆరోపణలు వ్యక్తమవుతున్నాయి. ధన్వాడ మండలంలోని గోటూర్‌ శివారులో ఇసుక తరలిస్తున్న మూడు ట్రాక్టర్లను పోలీసులు స్వాధీనం చేసుకున్నారు. ఇందిరమ్మ ఇళ్ల పేరుతో రాత్రివేళ ఇసుక తరలిస్తున్నట్లు సమాచారం అందడంతో పోలీసులు చర్యలు చేపట్టారు. నిబంధనల ప్రకారం అనుమతులతోనే ఇసుక రవాణా జరగాలని అధికారులు సూచిస్తున్నారు.