అదుపు తప్పి లారీ బోల్తా

మైదుకూరు మండలం కేశలింగాయపల్లె వద్ద జాతీయ రహదారిపై బుధవారం ఘోర రోడ్డు ప్రమాదం తప్పింది. అనంతపురం నుంచి భీమవరం వెళ్తున్న లారీ రహదారి విస్తరణ పనులతో అసంపూర్తిగా ఉన్న మార్గంలో అదుపుతప్పి బోల్తా పడింది. ఈ క్రమంలో పోరుమామిళ్ల నుంచి ఎర్రగుంట్ల వెళ్తున్న కారును లారీ ఢీకొంది. ప్రమాదంలో ఎవరికీ గాయాలు కాలేదు. పోలీసులు ఘటనాస్థలిని పరిశీలించారు.