ఆదివాసుల ఘనంగా 'అకాడి' పండుగ

ఆదిలాబాద్ జిల్లా గాదిగూడలో ఆదివాసులు 'అకాడి' పండుగను ఘనంగా నిర్వహించారు. వర్షాలు సమృద్ధిగా కురిసి, పంటలు బాగా పండాలని వన దేవతకు సాంప్రదాయబద్ధంగా పూజలు చేశారు. పశువులకు కొత్త మేత తినిపించి, మూగజీవాలకు రక్షణ కల్పించాలని వేడుకున్నారు. ఈ పూజల అనంతరం గ్రామస్తులందరూ కలిసి సహపంక్తి భోజనాలు చేశారు. సర్పంచ్ జంగు పటేల్, గ్రామ పెద్దలు, భక్తులు పెద్ద సంఖ్యలో పాల్గొని తమ సంప్రదాయాలను చాటిచెప్పారు.