జంషెడ్‌పూర్‌లో ప్రమాదం.. మంత్రి కుమార్తె మృతి

జంషెడ్‌పూర్‌ మెరైన్‌ డ్రైవ్‌లో గురువారం తెల్లవారుజామున నిలిపిన లారీని కారు ఢీకొనడంతో నలుగురు మృతిచెందారు. మృతుల్లో మంత్రి దీపికా పాండే సింగ్‌ కుమార్తె త్రిషా సింగ్‌ ఉన్నారు. ఉదయం 3 గంటలకు ప్రమాదం జరిగినట్లు సమాచారం. నలుగురినీ ఎంజీఎం ఆసుపత్రికి తరలించగా, అప్పటికే మృతిచెందినట్లు వైద్యులు నిర్ధారించారు. మృతులను సార్థక్‌, నామన్‌ గుప్తా, వంశికా ఖండేల్‌వాల్‌, త్రిషా సింగ్‌గా గుర్తించారు.