ఆన్‌లైన్ యాప్ మోసాలు.. రూ.కోట్లు స్వాహా

పెట్టుబడి పెడితే భారీ లాభాలంటూ ఆశ చూపి ఓ ఆన్‌లైన్ యాప్ నిర్వాహకులు జగిత్యాల జిల్లాలో వేల మంది నుంచి సుమారు రూ.వెయ్యి కోట్లు వసూలు చేసి చేతులెత్తేశారు. విలాసవంతమైన విహారయాత్రలతో నమ్మించి బాధితుల నుంచి ఈ మొత్తాన్ని కాజేశారు. పరువు పోతుందనే భయంతో బయటకు చెప్పుకోలేక సతమతమవుతున్న బాధితుల ఫిర్యాదుతో పోలీసులు ఇప్పటివరకు 11 కేసులు నమోదు చేసి 19 మంది ఏజెంట్లను అరెస్ట్ చేశారు.