ఆలయ అభివృద్ధికి నిధులు మంజూరు

కోటబొమ్మాళి (M) లోని ఆధ్యాత్మిక క్షేత్రం కొత్తమ్మ తల్లి అమ్మవారి ఆలయ అభివృద్ధికి కూటమి ప్రభుత్వం రూ. 5 కోట్ల నిధులు మంజూరు చేసింది. ఆలయ ప్రాంగణంలో ప్రాకార మండపం నిర్మాణంతో పాటు ఆలయ అభివృద్ధి, మరమ్మత్తుల పనులకు పరిపాలనా అనుమతులు మంజూరయ్యాయి. దీంతో ఆలయ అభివృద్ధికి మరో చారిత్రాత్మక ముందడుగు పడిందని గ్రామస్థులు, కూటమి నాయకులు హర్షం వ్యక్తం చేశారు.