ఆదోనిలో బస్సుల కోసం విద్యార్థుల అవస్థలు

పాండవగల్లు, కుప్పగల్లు నుంచి ఎరిగేరి పాఠశాలకు వెళ్లే విద్యార్థులు ప్రభుత్వ బస్సులు సక్రమంగా లేక ఇబ్బందులు పడుతున్నారు. ఉదయం 9.20 గంటల వరకు బస్సు రాకపోవడంతో పాఠశాలకు చేరుకునే సరికి 10 గంటలు అవుతోందని విద్యార్థులు తెలిపారు. సమస్యపై సీపీఎం నాయకులు పలుమార్లు ఆర్టీసీ డిపో మేనేజర్‌కు విన్నవించినా స్పందన లేదని ఆరోపించారు. అధికారులు వెంటనే బస్సు సౌకర్యం కల్పించాలని డిమాండ్ చేశారు.