రూ.5 చిల్లర వివాదం.. వృద్ధుడిపై కండక్టర్‌ దాడి

తిరుపతి జిల్లా పాకాల బస్టాండ్‌లో రూ.5 చిల్లర వివాదంతో ఏపీఎస్‌ఆర్టీసీ కండక్టర్‌ వృద్ధ ప్రయాణికుడిపై దాడి చేసినట్లు సమాచారం. చిల్లర అడిగినందుకు కండక్టర్‌ ఆగ్రహం వ్యక్తం చేసి, దుర్భాషలాడుతూ భౌతిక దాడికి పాల్పడ్డారు. ఈ ఘటన బస్సు కెమెరాల్లో రికార్డయింది. కండక్టర్‌పై విచారణ జరిపి కఠిన చర్యలు తీసుకోవాలని బాధితుడు అధికారులకు ఫిర్యాదు చేశారు. ఆర్టీసీ యాజమాన్యం నుంచి అధికారిక స్పష్టత రావాల్సి ఉంది.