జమ్మూకశ్మీర్‌లో ఈ ఏడాది 35 మేఘ విస్ఫోటనాలు

జమ్మూకశ్మీర్‌లో ఈ ఏడాది ఇప్పటివరకు 35 మేఘ విస్ఫోటన ఘటనలు నమోదయ్యాయి. వీటి కారణంగా సుమారు 31 మంది ప్రాణాలు కోల్పోగా, ఇళ్లు, రహదారులు, వంతెనలు, ప్రభుత్వ మౌలిక వసతులు దెబ్బతిన్నాయి. జూన్ 1 నుంచి జూలై మధ్య వరకు 22 ఘటనలు నమోదయ్యాయని అధికారిక సమాచారం తెలిపింది. పూంచ్, రాజౌరీ, కథువా, దోడా, కిష్త్‌వార్ జిల్లాలు తీవ్రంగా ప్రభావితమయ్యాయి.