100 రోజుల్లో 25 వేల కి.మీ బైక్ యాత్ర

మందమర్రికి చెందిన సింగరేణి ఉద్యోగి ఐతరవేని హరీశ్ హెచ్‌ఎఫ్ డీలక్స్ బైక్‌పై 100 రోజుల్లో 25,416 కి.మీ ప్రయాణించి ప్రత్యేక గుర్తింపు పొందారు. భారత్‌తో పాటు భూటాన్‌లో పర్యటిస్తూ పలు ఆధ్యాత్మిక క్షేత్రాలను సందర్శించారు. ఈ యాత్రలో 12 జ్యోతిర్లింగాలు, 4 ధామాలు, 16 శక్తిపీఠాలను దర్శించారు. లద్దాఖ్‌లోని ఉమ్లింగ్ లా రోడ్డుపై సాధారణ బైక్‌తో ప్రయాణించడం విశేషం. యాత్ర కోసం సుమారు రూ.90 వేలు వెచ్చించారు.