ఓటర్ల జాబితా సవరణ పారదర్శకంగా జరగాలి

ఓటర్ల జాబితా ప్రత్యేక సమగ్ర సవరణ ప్రక్రియను పారదర్శకంగా నిర్వహించాలని జిల్లా కలెక్టర్ సత్య ప్రసాద్ అధికారులను ఆదేశించారు. కోరుట్లలో ఇంటింటా సర్వేను పరిశీలించిన ఆయన, అర్హులైన ప్రతి ఒక్కరికీ ఓటు హక్కు కల్పించాలని బీఎల్వోలకు సూచించారు. ఎటువంటి పొరపాట్లకు తావులేకుండా బాధ్యతాయుతంగా విధులు నిర్వర్తించాలని కలెక్టర్ స్పష్టం చేశారు. ఈ ప్రజాస్వామ్య ప్రక్రియలో ప్రజలందరూ సహకరించాలని ఆయన కోరారు.