విండీస్‌ను తక్కువ అంచనా వేయొద్దు: తిలక్‌

వెస్టిండీస్‌తో నాలుగో టీ20కి ముందు భారత వైస్‌ కెప్టెన్‌ తిలక్‌ వర్మ సహచరులను అప్రమత్తం చేశాడు. విండీస్‌ ప్రమాదకరమైన జట్టని, మూడు మ్యాచ్‌ల తర్వాత భారత్‌ 2-1తో ఆధిక్యంలో ఉన్నప్పటికీ ప్రత్యర్థిని తక్కువగా అంచనా వేయొద్దని సూచించాడు. రెండో టీ20 ఓటమి తర్వాత బౌలింగ్‌ వ్యూహాలను సమీక్షించుకున్నామని తిలక్‌ తెలిపాడు. మరింత దూకుడుగా ఆడి వికెట్లు తీయాలని కోచ్‌ గౌతమ్‌ గంభీర్‌ సూచించినట్లు వెల్లడించాడు.