విధుల్లో ఉన్న విద్యుత్ ఉద్యోగిపై దాడి

సారంగాపూర్ మండల కేంద్రంలోని విద్యుత్ సబ్‌స్టేషన్ ఆపరేటర్ చంద్రశేఖర్‌పై పల్లెపు రాజు అనే వ్యక్తి కర్రతో దాడి చేసినట్లు సమాచారం. ఈ ఘటనలో చంద్రశేఖర్‌కు గాయాలు కావడంతో 108 ద్వారా జగిత్యాల ప్రభుత్వ ఆసుపత్రికి తరలించారు. సబ్‌స్టేషన్ పరిసరాల్లో చెత్త వేయడం, బహిర్భూమికి వెళ్లడంపై మందలించిన విషయాన్ని మనసులో పెట్టుకుని దాడి చేసినట్లు సమాచారం. ఎస్సై గీత కేసు నమోదు చేసి దర్యాప్తు చేస్తున్నారు.