వచ్చే నెల 3 న ఓటర్ల జాబితా ప్రకటిస్తాం - కమీషనర్

విజయనగరం జిల్లా నెల్లిమర్ల నగర పంచాయతీ ఎన్నికలకు సంబంధించి ఓటర్ల జాబితాను వచ్చే నెల 3 న ప్రకటించేందుకు ఏర్పాట్లు చేస్తున్నట్లు నెల్లిమర్ల నగర పంచాయతి కమిషనర్‌ గోవిందరావు తెలిపారు. గురువారం ఆయన మాట్లాడుతూ పట్టణంలోని 23 వార్డుల్లో మొత్తం 19,075 మంది ఓటర్లు ఉన్నారని, వార్డుల వారీగా ఓటర్ల జాబితాను ప్రకటిస్తామన్నారు. అనంతరం అభ్యంతరాలు స్వీకరిస్తామని ఆయన తెలిపారు.