భారత సైన్యానికి అమెరికా భారీ రక్షణ ప్యాకేజీ.

భారత రక్షణ రంగాన్ని మరింత బలోపేతం చేసేందుకు అమెరికా 482.2 మిలియన్ డాలర్ల భారీ సహాయ ప్యాకేజీకి ఆమోదం తెలిపింది. ఈ ఒప్పందం ద్వారా భారత సైన్యానికి చెందిన అపాచీ హెలికాప్టర్లు, ఎమ్-777 హోవిట్జర్ గన్‌ల నిర్వహణ మరింత సులభతరం కానుంది. ఈ ప్యాకేజీ కింద అవసరమైన విడిభాగాలు, సాంకేతిక మద్దతు, రవాణా సేవలతో పాటు సైనికులకు ప్రత్యేక శిక్షణ అందించనున్నారు. కీలకమైన ఈ రక్షణ వేదికల కార్యాచరణ సామర్థ్యాన్ని, సంసిద్ధతను మరింత పెంచేందుకు ఈ డీల్ దోహదపడనుంది.