ఉదయగిరి వుడెన్‌ కట్లరీ సెంటర్‌కు రూ.12 లక్షల నిధులు

ఉదయగిరి వుడెన్‌ కట్లరీ సెంటర్‌లో మౌలిక వసతుల అభివృద్ధికి రూ.12 లక్షలు మంజూరు చేయించినట్లు జనసేన రాష్ట్ర కార్యనిర్వహక కార్యదర్శి కొట్టే వెంకటేశ్వర్లు తెలిపారు. డిప్యూటీ సీఎం పవన్‌ కల్యాణ్‌ స్పందనతో ఎంపీ ల్యాడ్స్‌ నిధుల నుంచి ఈ నిధులు మంజూరైనట్లు పేర్కొన్నారు. సుమారు 350 కుటుంబాలు ఈ సెంటర్‌పై ఆధారపడి జీవిస్తున్నాయని, ప్రహరీ గోడ, మరుగుదొడ్లు, స్టోర్‌ రూమ్‌ తదితర సౌకర్యాలు కల్పించనున్నట్లు తెలిపారు.