ఉచిత కంటి వైద్య శిబిరానికి విశేష స్పందన

చిత్తూరు లో జైన్ సంఘం ఆధ్వర్యంలో ఆదివారం నిర్వహించిన ఉచిత కంటి వైద్య శిబిరానికి విశేష స్పందన లభించింది. తిరుపతికి చెందిన ఎస్‌వీ అరవింద్ ఐ హాస్పిటల్ వైద్యుల బృందం 212 మందికి కంటి పరీక్షలు నిర్వహించింది. ఆపరేషన్లకు ఎంపికైన వారికి శస్త్రచికిత్స, లెన్స్, రవాణా, భోజనం, వసతి తదితర సౌకర్యాలను ఉచితంగా కల్పిస్తామని జైన్ సంఘం ప్రతినిధి సుభాష్ జైన్ తెలిపారు.