టాటా టెక్నాలజీస్‌ లాభం ప్లస్

ప్రస్తుత ఆర్థిక సంవత్సరం రెండో త్రైమాసికంలో టాటా టెక్నాలజీస్ రూ.171 కోట్లకు పైగా నికర లాభాన్ని సాధించింది. ఆటోమోటివ్ క్లయింట్ల నుంచి లభించిన డిమాండ్ కారణంగా కంపెనీ లాభం పుంజుకుందని మేనేజ్‌మెంట్ తెలిపింది. మొత్తం ఆదాయం రూ.1,699 కోట్లకు పెరిగిందని, ఈ త్రైమాసికంలో 300 మందిని చేర్చుకున్నామని కంపెనీ సీఈవో వారెన్ హారిస్ చెప్పారు. ఈ ఏడాదంతా 14 వేల మందికి ఉపాధి కల్పిస్తామని వెల్లడించారు.