ఇరాన్‌కు డొనాల్డ్ ట్రంప్ తీవ్ర హెచ్చరిక

ఒప్పందం కుదుర్చుకోవడంలో జాప్యం చేస్తున్న ఇరాన్ భారీ మూల్యం చెల్లించుకుంటుందని అమెరికా అధ్యక్షుడు డొనాల్డ్ ట్రంప్ హెచ్చరించారు. ఆ దేశ సైనిక, క్షిపణి సామర్థ్యం పూర్తిగా క్షీణించిందని ఆయన పేర్కొన్నారు. యుద్ధం ముగించేందుకు తాము ప్రయత్నిస్తున్నా ఇరాన్ నేతలు నిర్లక్ష్యంగా ఉన్నారని ట్రంప్ మండిపడ్డారు. ఆలస్యం చేస్తే ఆ దేశ విద్యుత్ కేంద్రాలు, వంతెనలపై కొత్త దాడులు తప్పవని స్పష్టం చేశారు.