నేడు పలు జిల్లాల్లో పిడుగులతో కూడిన వర్షాలు

శుక్రవారం రాష్ట్రంలోని పలు జిల్లాల్లో ఉరుములు, పిడుగులతో కూడిన వర్షాలు కురిసే అవకాశం ఉందని వాతావరణ శాఖ తెలిపింది. శ్రీకాకుళం, పార్వతీపురం మన్యం, అల్లూరి సీతారామరాజు, కోనసీమ, పశ్చిమ గోదావరి, కృష్ణా, ఎన్టీఆర్ జిల్లాల్లో ఈ ప్రభావం ఉండొచ్చని పేర్కొంది. మిగిలిన జిల్లాల్లో కూడా అక్కడక్కడా చిరుజల్లులు నుంచి మోస్తరు వర్షాలు కురిసే అవకాశం ఉందని తెలిపి, పిడుగుల సమయంలో ప్రజలు అప్రమత్తంగా ఉండాలని సూచించింది.