లక్నో చార్‌బాగ్ స్టేషన్‌లో కూలిన టిన్ షెడ్

లక్నోలోని చార్‌బాగ్ రైల్వే స్టేషన్ ఐదో నంబర్ ప్లాట్‌ఫారమ్‌పై శుక్రవారం ఉదయం టిన్ షెడ్ కూలిపడింది. ఈ ప్రమాదంలో ఒక టీటీఈతో పాటు ఇద్దరు ప్రయాణికులు తీవ్రంగా గాయపడ్డారు. సమాచారం అందుకున్న ఆర్‌పీఎఫ్ సిబ్బంది ఘటనా స్థలానికి చేరుకుని సహాయక చర్యలు చేపట్టారు. రైల్వే స్టేషన్ ఆధునికీకరణ పనుల్లో భాగంగా పిల్లర్ల సపోర్టు బలహీనపడటమే ఈ ప్రమాదానికి కారణమని తెలుస్తోంది. ప్రమాద సమయంలో ప్లాట్‌ఫారమ్‌పైకి వస్తున్న హౌరా-డెహ్రాడూన్ ఎక్స్‌ప్రెస్‌ను అధికారులు వెంటనే నిలిపివేశారు. డీఆర్‌ఎం ఈ ఘటనపై విచారణకు ఆదేశించారు.