తిరుమల నడక మార్గంలో చిరుత సంచారం

తిరుమల అలిపిరి నడక మార్గంలో గాలిగోపురం సమీపంలో చిరుత కనిపించడంతో భక్తులు తీవ్ర భయాందోళనకు గురయ్యారు. అప్రమత్తమైన భక్తులు పరుగులు తీయడంతో ఆ చిరుత అటవీ ప్రాంతంలోకి వెళ్లిపోయింది. ఈ ఘటనలో ఎవరికీ ఎటువంటి గాయాలు కాలేదు. సమాచారం అందుకున్న అటవీశాఖ మరియు టీటీడీ అధికారులు అప్రమత్తమయ్యారు. భక్తుల భద్రత దృష్ట్యా నడక మార్గంలో నిఘాను, భద్రతా చర్యలను మరింత కట్టుదిట్టం చేశారు.