వృద్ధురాలి ఇంట 48 గ్రాముల బంగారు గొలుసు చోరీ

నెల్లూరు త్యాగరాజనగర్‌లో వృద్ధురాలి ఇంట్లో 48 గ్రాముల బంగారు గొలుసు చోరీకి గురైన ఘటనపై వేదాయపాళెం పోలీసులు కేసు నమోదు చేశారు. ఒంటరిగా నివసించే ఆదిశేషమ్మ ఇంట్లో పనిచేసే మహిళ బయటకు వెళ్లిన సమయంలో గతంలో పనిచేసిన ఓ మహిళ వచ్చి వెళ్లింది. అనంతరం బీరువాలోని గొలుసు కనిపించకపోవడంతో ఆమె పోలీసులకు ఫిర్యాదు చేశారు. పోలీసులు దర్యాప్తు చేస్తున్నారు.