తెలంగాణ రాజకీయం హీట్: బీఆర్‌ఎస్ అప్పులపై భట్టి సవాల్!

బీఆర్‌ఎస్ హయాంలో చేసిన తప్పులను కప్పిపుచ్చుకునేందుకు కేటీఆర్, హరీశ్‌రావు ప్రయత్నిస్తున్నారని డిప్యూటీ సీఎం భట్టి విక్రమార్క మండిపడ్డారు. సోషల్ మీడియా ద్వారా ప్రభుత్వంపై అబద్ధాలు ప్రచారం చేస్తున్నారని ఆయన ఆగ్రహం వ్యక్తం చేశారు. గత ప్రభుత్వం పదేళ్లలో రూ.8.21 లక్షల కోట్ల అప్పులు చేసి రాష్ట్రాన్ని భారం చేశారని భట్టి ఆరోపించారు. తాము అధికారంలోకి వచ్చాక రూ.2.08 లక్షల కోట్లు అప్పులు చెల్లించామని ఈ సందర్భంగా స్పష్టం చేశారు.